درجات الوان الشعر الاساسية

• 
  
  
• ابدء ب (بسم الله الرحمن الرحيم)

  السلام عليكم ..

  ---الدرس الاول--

  (فرع-أ- درجات الوان الشعر الاساسية)

  من شخص الى اخر اله درجة لون شعر تختلف مثلا واحد شعره غامق وواحد شعره فاتح وهاي درجات لون الشعر ثابتة وهي متكونة من (1-2-3-4-5-6-7-8-9-10)

  هاي الالوان موجودة بكل كتلوجات الصبغ والها اسماء ثابتة وهي

  1- اسود

  2-بني غامق جدا

  3-بني غامق

  4-بني متوسط

  5-بني فاتح

  6-اشقر غامق

  7-اشقر متوسط

  8-اشقر فاتح

  9-اشقر فاتح جدا

  10-اشقر فاتح جدا جدا

  
  

  --فوائد معرفة هاي الارقام والالوان-

  هاي الالوان تفيدنا بما يلي ...

  
  

  ١-لازم تعرفين انتي شعرج اي درجة وبهاي الارقام والاسماء تسهل عليج معرفة شعرج اذا جان غامق او فاتح وعن طريق معرفتج لدرجة لون شعرج ...

  ١- راح تعرفين شنو تستخدمين مواد وارقام لسحب اللون شعرج 

  ( البعض قليل الخبرة يستعمل مواد قوية ورقام حتى يسحب لون وشعره وممكن هو ما محتاج هلشي)

  لذلك هلشي يساعدج بمعرفتج شعرج كم درجة محتاج تفتحيه وتوصلين للون المطلوب تفتيحه 

  
  

  ٢- بعد ما عرفتي شعرج اي درجة هو  هو غامق او فاتح وعرفتي تفتحيه بالمواد المطلوبة ووصلتي لدرجة التفتيح بعدها مرحلة الصبغ 

  
  

  ٣- المرحلة بعد التفتيح وهي الصبغ تحتاج تعرفين انتي اي درجة تفتيح وصلتي حتى تعرفين اي درجة صبغ تكدرين تصبغين واي رقم تشترين (حيكون اختيار درجة الصبغ عن طريق معرفتج بالارقام السابقة الي كتبتها عن طريقها تعرفين يا درجة تشترين)

  
  

  ٤- مرحلة خلط الصبغ 

  خلط الصبغ مو شي سهل وما يعتمد على الاسماء الي مكتوبة على العلبة فقط ( ان شاء الله اوضح هلشي بالدروس الجاية)

  عند خلط الصبغ مثلا عصارتين او ثلاثة لازم تعرفين شنو تشترين اي رقم لان بعد مرحلة التفتيح تجين لمرحلة الصبغ شعرج حتى لو صبغتيه ممكن ما يطلع اللون الي ترديه 

  لان كل درجة شعر بيها الوان انعكاسية مثل 

  ضهور لون احمر او ما يسمى نحاسي

  او ضهور لون برتقالي (اورنج)

  او ضهور لون اصفر بشع (بلون الكركم)

  لذاك نحتاج بمرحلة الصبغ نعرف شنو نخط مصححات 

  على حسب الدرجة الي احنا بيها 

  ...........

  عزيزاتي راح انزل الصور الي من مونتاجي اني 

  مكتوب بيها توضح للي شرحته

  هاي صورة فقط للدرجات الوان الشعر الاساسية والي فوك كتبت اسمائهن وارقامهن 

  ((

  (( ارجو اي شس مو واضح بالدرس ان تسئلوني عنه وان الدرس واضح للجميع حتى انزل تكمله الدرس الاول انزل (فرع - ب-الالوان الضمنية ودائرة الالوان)

  لكن لازم اول الشرح يكون واضح للجميع ...